Alles wat panéiert ass, schmaacht lecker - also quasi alles… ;) A wann d’ Panade dann nach sou locker Blose geheit: Mhhhmmm!
Dat Wichtegst um Schnitzel Wiener Art ass ganz kloer d’Panade. An do ginn et e puer Tricker fir et esou hinzekréen: Beim Panéieren nie d’Panade undrécken (wierklech nie) an duerno a genuch Fett ubroden. Genuch Fett dass e schwëmmt. Da geheit souguer eng vegan Panade Blosen. ;)
An esou geet dat:
Den Tofu gëtt sou dënn wéi méiglech an Tranche geschnidden
an a kaalt Waasser geluecht.
Di klasseg Panéierstrooss gëtt viirbereet - ausser dass mer VeggEgg huelen amplaz Ee.
Den
naassen Tofu just kuerz ofdrëpsen
Salzen
Pefferen
, duerch d’Miel wänzelen,
duerch de Vegg Egg zéien,
ofdrëpse loossen,
op d’Panéiermiel leeen a mat
Panéiermiel bestreen.
D’Panade nët undrécken an duerno a genuch Fett ubroden.
Am léifsten amRapsueleg mat Bottergoût. Wärend dem Baken gëtt mam Läffel den Ueleg iwwert de Schnitzel gegoss...
...da schléit e schéi Blosen. Ei! :D
Fir d'Gromperenzalot:
D’ Grompere gi geschielt an am Ganze gekacht.
Am léifsten hunn ech wann d’Grompere waarm an d’Vinaigrette fléien a se dann domatt zesummen ofkillen.
Geschnëppelt ginn e puer ageluechte Cornichongen an eng Ënn. Wie wëll kann déi och undënsten.
Fir d’Vinaigrett mixe mer
eng gekachte Gromper mat
Alee-Sud vun de Cornichongen, nach
e bëssi Esseg,
Ueleg,
Moschter,
Peffer a
Kraidersalz.
Di gekachte Gromper déi gemixt gëtt, gëtt der Vinaigrette eng Textur wéi wa Mayonnaise dra wier - onbedingt probéieren!
Driwwer kënnt gehackte Péiterséilech.
Super passe Blieder vun der grousser Fetthenne dobäi.
Déi ass säfteg, frësch a liicht saierzëch. Ausser an der Zalot oder am Smoothie fënnt sie och Verwertung als Heelmëttel fir Hautverletzungen, Wonnen an Entzündungen.
Gudden Appetit!
Comments