Gänseblimmerchers-Pastinakenzopp (vegan)

Hei eng Zëppche mat eiser Planz vum Mount Abrëll 2019, dem Margréitchen/Gänseblimmchen. Mir präparéieren haut eng Zëppchen mat Pastinaken a mat dëser flotter wëller Blimmchen.

Duerfir braucht Dir:

• 5 Gräpp Gänseblimmercher

• 1 Schalott

• 1/2 Pastinak

• 3 Gromperen

• 1 Grapp Cashewen

• Geméisbrittpolver

• 2 Neelcheskäpp

• 1 Blad Magiskraut

• 1 Zitroun

• Salz a Peffer

Fir unzefänke ginn

• 1 Schalott an

• 1/2 Pastinak

zerschnëppelt an ugedënst. Dann 1 1/2 Liter driwwer schëdden mat der entspriechender Quantitéit Geméisbrittpolver.

Dobäi fléien elo

• 3 Gromperen,

• 2 Neelcheskäpp an engem Téi-Ee,

• 1 Blad Maagiskraut

an da gëtt mat oppenem Deckel kache gelooss bis d’Grompere mëll sinn.

Elo flitt ales an de Mixer, zesumme mat

• engem Grapp Cashewen a

• 4 Gräpp Gänseblimmercher.

Mixen an eemol kuerz opkache loossen.

Ofschmaache mat Salz, Peffer an Zitrounejus.

1 Grapp Gänseblimmercher an e bësse gehackte Péiterséilech als Deko iwwert d’Zopp streeën.

Eng liicht, séier Zëppchen, déi gutt an d'Fréijoer passt. Loosst se Iech schmaachen!