Et ass mol nees un der Zäit fir en Dessert. An hei ass eist Rezept fir eng séier, einfach Gänseblimmacotta, séiss Schneekerei mat eiser Planz vum Mount, dem klenge Margréitchen.
Wat Dir duerfir musst maachen ass dëst:
1 Tl Agar Agar gëtt an
500 ml kaalem Waasser agerouert, a mat
100 g Agavendicksaft,
1 Pauz Salz, an
1/2 Téiläffel Vanille
opgekacht, an 1 Minutt kächele gelooss.
Am Highspeedblender ginn
135 g Cashewen an
1 Grapp Gänseblimmerchersbléien
zesumme mam kachenden Agar-Waasser gemixt.
Duerno muss dat Ganzt nach emol zréck an d’Dëppen an 1 Minutt kachen.
Da flitt alles an d’Förmercher a gëtt gekillt. 1 Stonn an den Tiefkühler, oder 2 Stonnen an de Frigo.
Zervéiert gëtt mat frësche Bellibléien an eventuell enger fruchteger Ärdbier oder Hambierszooss.
Gudden Appetit.
Comments