Grompere-Brokkoli-Gratin

Zäit nees fir een deftegt, einfacht Rezept. A wat ass méi praktesch, lecker an #nommnommnomm ewéi ee gudde Gratin? :D

Fir de Grompere Brokkoli Gratin gi

• réi Gromperen

geschielt a mam Huwwel a Scheiwe geraspelt.

Déi fléien ofwiesselnd mat

• réie Brokkolisréisercher

an eng Gratinsform.

Driwwer koume bei mir zwou Zoossen: eng méi flësseg déi schéin iwwert alles ka lafen an eng kéiseg, zéieg, fir de Gratinsfeeling. :D

Flësseg Zooss:

• 500 ml kachend Waasser gi gemixt mat

• 2 Gräpp Cashewen

• 1 kleng Tas Hiefflacken

• 1 Tl Geméisbrittpolver

• 1 Tl Coriandersom

• Peffer a Salz

Di gëtt iwwert alles driwwer geschott.

Zéieg Zooss (de Kéis ;) ):

• 500 ml Waasser

• 2 Gräpp Cashewen

• 2-3 Il Gromperemiel

• 1 Tas Hiefflacken

• 1 Tl Kurkuma

• 1 Tl Brittpolver

• Peffer

• Kraidersalz

ginn am Dëppen opgekacht an iwwert dem Plat verdeelt.

Dësst däerf elo 50 Minutten bei 180 °C am Schäffchen viru sech hi gratinéieren! Dann dra picken, a kucken ob se duerch sinn - soss nach e bëssen Zäit loossen.

An dann ass et souwäit - Gudden Appetit! :D