Mir hunn an eisem wëlle Gaart Choufleuren, a wéi dat oft esou ass bei Geméis: Wa se zeideg sinn, da sinn se all mateneen zeideg. Dann heescht et sech eppes afalen ze loossen, fir datt et Mëttes net langweileg gëtt.
Haut maache mir aus dem Choufleur panéierte Schnitzel. Dobäi gëtt et eng fruchteg Zalot aus Courgetten.
Schneit äre Choufleur genee duerch d'Mëtt. Duerno schneit dir vun all Halschent e Schnitzel of, deen duerch de Stronk zesummegehale gëtt. Mam Rescht vum Geméis maache mir eng Zopp.
Huelt elo:
en Iessläffel Currypolfer
eng gutt Strutz Agavendicksaft
Alles an eng Schossel, an da Waasser dobäi bis datt et e schéine crèmegen Deeg gëtt.
Zappt elo äer Choufleurs-Schnitzelen an den Deeg, an duerno a Panéiermiel. Maacht an enger Pan Ueleg waarem, a setzt d'Pan dann op mëttel Hëtzt. Do kommen d'Schnitzelen dran. Se solle lues goen, de Choufleur muss jo duerchginn, ouni datt d'Panade verbrennt.
Déi Zäit huelt dir eng Courgette a spiraliséiert se mat engem Spiralschneider.
Fir d'Vinaigrette huelt dir
en Téiläffel Moschter
4 Iessläffel geschmaachsneutralen Ueleg
3 Iessläffel Esseg
Salz a Peffer
E bëssen Agavendicksaft (jee no Goût)
eng Zéif Knuewelék (gepresst)
an d'gehacktent Gréngs vun enger Fréijorsënn
Denkt drunn d'Vinaigrette réicht kuerz vium Zerwéieren op d'Courgetten ze maachen. Soss zitt déi Waasser. Hei kommen dann och nach frësch Friichten aus dem Gaart driwwer: Kréischelen, Molbieren, a Fielsebieren.
Ei! Lecker!
E gudden Appetit!
留言